Бүгін Орталық коммуникациялық қызметінде өткен "Қаңтар оқиғасы": тергеу барысы туралы" брифингте Бас прокуратураның 1 қызметі бастығының орынбасары Елдос Қилымжанов тергеу нәтижелеріне қатысты мәліметтерді жария етті, деп жазады Inbusiness.kz тілшісі.
Оның айтуынша, бұл оқиғаға қатысты құқық қорғау органдары ел бойынша 5 мыңнан астам қылмыстық істі тіркеді.
"Тергеу кезеңінде 4,5 мың сараптамалық зерттеулер жүргізілді. Жаппай тәртіпсіздіктерге қатысу және ұйымдастыру фактісі бойынша 131 сотқа дейінгі тергеп-тексеру тіркелген. Осы қылмыстарды жасағаны үшін 931 адам күдікті деп танылды, 96 адам қамауда. 471 адам сотталды", - деді Елдос Қилымжанов.
Оның айтуынша, тергеу органдары Қаңтар оқиғасы кезінде "Айшуақ", "Жантүгел" және "Жумагелдиев" қылмыстық топтар мүшелері қатысқанын анықтаған.
