Бұл туралы Алмалы ауданы тұрғындарымен кездесуінде Алматы әкімі Ерболат Досаев айтты.
Кездесуде Бостандық ауданының тұрғыны осыған қатысты сұрақ қойды.
"Мен Promenade сауда орталығының тағдырын білгім келеді. Оның қаңтар оқиғалары кезінде қирап қалғанын түсіндім, бірақ бір жарым жыл өтті ешқандай белгі жоқ және жай ғана "Кіруге тыйым салынған" деп жазылған", – деді аудан тұрғыны.
Алматы әкімі Ерболат Досаевтың айтуынша, Promenade сауда орталығы модернизациялануда.
"Оның иелері маған алдын ала жобаны көрсетті. Олар қазір танымал фудхолл форматын негізге алды және дизайнды таңдауға дайын. Сонымен қатар, жанында Спорт сарайы мен Орталық стадион орналасқан. Енді олар қажетті құжаттарды рәсімдеп, қала Кеңесіне барады. Біз қала тұрғындарын да, туристерді де тартатын жаңа нысан салынады деп ойлаймыз. Мен бұл идеяны қолдадым. Келесі жылы уақыт бойынша жұмыс басталады деп үміттенемін", – деді қала әкімі.
Айта кетейік, фудхоллдар – бұл әртүрлі бағыттағы бір кеңістікте топтастырылған мейрамханалар, фаст-фудқа пайдалы балама.
