Сейсенбіде мұнай бағасы арзандады.Осы орайда Халықаралық энергетикалық агенттік Таяу Шығыстағы шиеленіс жағдайында нарықтағы ахуалды тұрақты сақтап қалу үшін қолдан келгенді жасайтынын айтты.
Reuters агенттігінің дерегіне сүйенсек, Brent маркалы мұнай бағасы Лондонның ICE Futures биржасында 2 центке төмендеп, баррелі 63,24 доллар болды. Кеше Иран әскерилері британдық мұнай танкерін ұстағаннан кейін, бұл көрсеткіш шамамен 1,5 пайызға өскен болатын.
Ал Нью-Йорк биржаларында электрондық сауда барысында WTI маркалы мұнай фьючерстері 0,11 пайызға арзандап, барреліне 56,16 долларды құрады.
Халықаралық энергетикалық агенттік өкілдері Ормуз бұғазындағы жағдайды жіті бақылап отырғанын алға тартты.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
