Бұған Қытай мен АҚШ сауда келіссөздерінің ілгерілеуі себеп. Нақтырақ айтқанда, Қытайдың вице-премьері Лю Хе америкалықтарды ұзаққа созылып кеткен дауды талқылауға шақырды.
Bloomberg агенттігінің дерегі бойынша, Лондондағы ICE Futures биржасында 2019 жылдың қарашасындағы жеткізіліммен Brent сұрыпты мұнай фьючерсі 1,57 долларға көтеріліп, баррелі 63,97 доллар болды.
Ал Лондон және Нью-Йорк биржаларында қазандағы жеткізіліммен, электрондық сауда барысында WTI маркалы жеңіл мұнай фьючерстері 1,57 долларға қымбаттап, барреліне 58,58 долларды құрады.
Шикізат бағасының өсуіне сонымен қатар америкалық мұнай қорының азаюы да түрткі болды. АҚШ-тың энергетикалық ақпарат жөніндегі басқармасының мәліметінше, дизель отынының қоры да қысқарған.
Табиғат Нұрболат
