Өткен аптада 4 мыңнан аса екі жылдық сібір бекіресі Ертіс өзеніне жіберілді, деп хабарлайды altaynews.kz.
Мақсат - жойылып кеткен балық түрін қайта көбейтуді қолға алу. Ғалымдар Сібір бекірелері Ертіске тез бейімделеді деп отыр. Тәжірибе сәтті іске асса, мамандар бұл бағыттағы жұмыстарды жалғастыра бермек.
Бекіре балығы, оның ішінде сібір бекіресі бұрын Ертіс өзенін мекендеген. Ол 60 жылға дейін өмір сүреді. Салмағы 200 кг дейін жетеді.
"Мемлекеттік бюджет есебінен 4000 екі жылдық сібір бекірелері алынды. Биыл осылайша шабақтарды емес, үлкендерді жіберуді ұйғардық. Себебі жойылып кету қаупі аз. Бұл шара ең алдымен Қара Ертісте бекіре тұқымдас балықтардың тұрақты популяциясын құруға және су объектілерінің экожүйесін тұрақтандыруға бағытталған. Ал балықтардың өніп-өсуі үшін ең оңтайлы жер деп Қара Ертіс таңдалды. Қара ертіс - Қызыл кітапқа енетін балықтардың табиғи ортасы", - дейді ШҚО Табиғи ресурстар және табиғатты пайдалануды реттеу басқармасының жануарлар дүниесі бөлімінің жетекшісі Мерхат Амиров.
Айта кетейік, соңғы рет бекіре балығын 8 жыл бұрын дәл осы жерде шабақ күйінде жіберілген.
