Сбербанк "Қарағанды аяқ киім фабрикасы" ЖШС-не несие желісін ашты. Фабрика бұл қаржыға табиғи былғарыдан жасалған жоғары сапалы аяқ киім шығарады, деп хабарлайды банктің баспасөз қызметі.
"Қазақстанда жеңіл өнеркәсіпті дамыту ресурстар мен өндірістердің себебінен үлкен әлеуетке ие, - дейді "Сбербанк" АҚ ЕБ басқармасы төрағасының корпоративтік бизнес жөніндегі орынбасары Ельдар Тенизбаев. – Ресми статистикаға сәйкес қазақстандық аяқ киім фабрикалары халықтың ішкі сұранысының тек 4%-ын ғана қамтамасыз етеді, ал қалған сұраныс импорт есебінен қамтылады. Біз "Қарағанды аяқ киім фабрикасымен" серіктестіктен үлкен үміт күтеміз. Сонымен қатар отандық тауарлар масс-маркеттің және сатып алушылардың көңілінен шығады деп сенеміз".
"Қарағанды аяқ киім фабрикасы" Total Quality технологиясын қолдану арқылы жоғары сапалы жұмыс аяқ киімін 90% қазақстандық шикізаттан өндіреді. Жақын арада фабрикада көпшілікке арналған аяқ киім өндірісі іске қосылатын болады. Жоба шетелдік өндірушілердің импортталатын өнімдерін отандық өнімдермен алмастыруға мүмкіндік бермек.
