Қазіргі сәтте мердігер компания жол жабынының жоғарғы қабатын төсеп жатыр.
"ҚазАвтоЖол" ҰК" АҚ Қарағанды облыстық филиалының директоры Ерлан Жұмағұлов автожолдың тұтас бойында айналып өтетін жер жоқ екенін және көлік қозғалысы қалыпты жағдайда жүріп жатқанын баяндады.
"Жұмабек, Ақсу, Ақшатау, Ақсу-Аюлы елді мекендері мен Балқаш қаласы үшін бес айналма жол салынды. Мердігер Балқаш қаласының іргесіндегі теміржол арқылы өтетін өткел мен жол айрығы құрылысын аяқтады", - деп жазылған хабарламада.
Сонымен қатар "ҚазАвтоЖол" ауыл шаруашылығы техникасының өтуі үшін 32 жол өтпесі және 11 көпір салып, қолданыстағы инженерлік коммуникация желілері қайтадан жүргізді.
"ҚазАвтоЖол" тосқауыл қоршаулар орнатылып, қардан қорғайтын қоршаулар мен мал өткізбейтін қоршаулар салынғанын хабарлады.
"Демалыс алаңдарын жасау бойынша жұмыс жүргізіліп жатыр. 18 демалыс алаңының ішінде модульдік үлгідегі 8 санитарлық-гигиеналық торап бар. Аялдап отыратын арнайы орындар мен автокөліктерді жөндеуге арналған эстакадалар қарастырылған", - делінген хабарламада.
Роман Скляр "Қарағанды-Балқаш" автожолының "Орталық-Оңтүстік" көлік дәлізін дамыту үшін маңызы зор екенін айтып, жол-құрылыс жұмыстарының қарқынын төмендетпеуді және жолды реконструциялауды жыл соңына дейін аяқтауды тапсырды.
Жұмыс сапары барысында бірінші вице-премьер Балқаш қаласында жылыту маусымына дайындықты тексерді. Ол жылу желілері мен қалалық ЖЭО-ның қайта жаңартылатын учаскелерімен танысты.
