Іс-шараны Үндістан елшілігінің қолдауымен қазақстандық йога академиясы ұйымдастырды. Мерекенің қонағы Үндістан елшілігінің екінші хатшысы Виджай Сингх болды.
– Қарағандыда тоғызыншы Халықаралық йога күні өтті. Қазақстан бойынша мереке 5-25 маусым аралығында өтті және 22 қалада ұйымдастырылды. Қарағанды мерекелік шеруге нүкте қойды деп айта аламыз. Дәстүр бойынша бүгінде БҰҰ әзірлеген бүкіл әлем бойынша бірыңғай йога-хаттама орындалады. Асана мен тыныс алу жаттығулары барлығына қол жетімді – жас пен дене шынықтыру деңгейі маңызды емес, – деп түсіндірді нұсқаушы КАЙ Олеся Бойченко.
Алдын ала тіркелген йога хаттамасына қатысушылар футболкалар мен су алды. Сондай-ақ, олардың арасында кәдесыйлар мен сыйлықтар ойнатылды.
Йога-хаттаманы орындағаннан кейін алғаш рет "Халықаралық йога күнін ұйымдастырғаны үшін", "Онлайн-йога-марафонға қатысқаны үшін" және "Позитивтілігі мен адамгершілігі үшін" номинациялары бойынша белсенді қарағандылықтарды марапаттау өтті.
Академия студенттерінің көрініс қойылымдары өтті.
Болашақ аналар да мерекелік нөмір дайындады.
"Сәби йога" мектебінің түлектері көрермендерді ерекше таң қалдырды.
Мереке соңында барлық қонақтарға вегетариандық тағамдар ұсынылды.
