Қарағанды облысының өнеркәсіптік кәсіпорындары базасында Чех сызбалары бойынша газ тарату станцияларына арналған жиынтықтарды өндіру жоспарлануда, деп хабарлады өңір әкімінің баспасөз қызметі.
Екіжақты ынтымақтастық мәселелері Қарағанды облысының Кәсіпкерлер Палатасының аймақтық кеңесі жанындағы Машина жасау комитетінің отырысында талқыланды. Жұмыс кездесуіне еліміздегі Чех Республикасы Елшілігінің экономикалық дипломаты Лубош Йоза, чехиялық өндірістік және консалтингтік компаниялардың басшылары қатысты.
"Бүгінгі таңда барлық техникалық құжаттама дайындалды. Қазір біз оны қазақстандық мазмұнға бейімдеуге кірісудеміз. Чех тарапы бізге сызбаларды, технологияларды, біз осы кезеңде шығара алмайтын қандай да бір жиынтықтарды ұсынады. Бұл – қысым датчиктері, газ есептеуіштері. Сондай-ақ олар бізге мамандарды оқытуға көмектеседі", – деді қазақстандық тараптан серіктес – "Картель 2005" ЖШС басшысы Геннадий Копьяк.
Бірлескен жобада шетелдік серіктес конструкторлық бюро ретінде әрекет етеді.
"Біз мұнда дайын шешімдермен келдік. Әрине, жабдықтардың кейбір құраушылары бастапқы кезеңде Чехияда өндірілетін болады, бірақ біздің серіктестеріміз дәл Қазақстанда өндірісті оқшаулауға мүдделі. Өнімнің қажеттілігі кезінде өнім желісін кеңейту мүмкін. Бізге газ тарату шкафтарынан басқа ұсыныс бар", – деп түсіндірді Лубош Йоза.
Айта кетсек, Қарағанды облысының аумағы арқылы Нұр-Сұлтан, Қазақстанның орталық және солтүстік өңірлерін газдандыруға арналған 800 километрден астам "Сарыарқа" магистралды газ құбыры өтеді. Көгілдір отынға бес ірі қала мен өңірдің 100-ден астам аулы көшеді.
