Қарағанды облысының әкімі Жеңіс Қасымбектің дерегінше, биыл өңір тұрғын үй құрылысы бойынша ең жоғары көрсеткішке қол жеткізген. Тәуелсіздіктің 30 жылы ішінде алғаш рет биыл 662 мың шаршы метр пайдалануға беріледі. Бұл өткен жылмен салыстырғанда 25%-ға жоғары, деп хабарлайды inbusiness.kz.
"2 600-ден астам отбасы мемлекеттік жалға берілетін және ипотекалық тұрғын үй алады. Оның ішінде 621 көпбалалы отбасы бар", – деп атап өтті Жеңіс Қасымбек.
Алдағы уақытта 830 мың шаршы метр тұрғын үй салу жоспарлануда. Ал алдағы үш жылда облыста жылына бір млн шаршы метрден баспана салу жоспарланған. Қазіргі уақытта құрылыс секторында бес мыңнан астам адам жұмыспен қамтылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
