/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 406,30 Brent 36,55
Қарағанды облысынан Қытайға 20 тонна мұздатылған қой еті жіберілді

Қарағанды облысынан Қытайға 20 тонна мұздатылған қой еті жіберілді

Келісім бойынша, келешекте ет жіберу жалғасатын болады. 

12 Қараша 2018 13:46 674

Қарағанды облысынан Қытайға 20 тонна мұздатылған қой еті жіберілді

Қарағанды облысы Қытайға қой етін экспорттай бастады, деп хабарлайды өңір әкімінің баспасөз қызметі.

Қарағанды облысынан Қытайға 20 тонна мұздатылған қой еті жіберілді. Келісім бойынша, келешекте ет жіберу жалғасатын болады. 

Экспорт «Арай kz» ет өңдеу компаниясы арқылы жүзеге асырылады. Бұл кәсіпорын неміс теxнологиясы бойынша жабдықталған және еуростандарттарға сай келетін мал сою құрылғылары болғандықтан таңдалған.

1200 бас малды Ақтоғай және Жаңаарқа аудандарының шаруа қожалықтары ұсынды.

«Қарағандылық мал өсірушілер үшін Қытай нарығы ашылып отыр. Облысымыз осы елге мұздатылған қой етін экспорттауды бастады. Сату нарығын кеңейту аймағымыздағы қой өсіру саласын дамытуға түрткі болады, - деп атап өтті облыс әкімінің орынбасары Серік Шайдаров.

Оның айтуынша, болашақта қой етін жеткізу жұмыстарына аймақтың 200 жуық шаруа қожалықтары жұмылдырылуы мүмкін.

Қытайға етті теміржол арқылы жеткізеді. 

«Талаптар өте қатаң болды. Бір жыл бұрын біздің технологиямызды тексеру үшін комиссия келді. Қарашаның соңына дейін біз Қытайға 300 тонна қой етін және дәл сондай көлемде желтоқсан айында да жіберуіміз керек», - деп мәлімдеді «Арай kz» ЖШС құрылтайшысы Жанболат Жақауов.

Биыл Ақтөбе облысы 4 мың тонна ет экспорттайды

Негізінен Иран, Ресей, Өзбекстан елдерінен сұраныс бар.

03 Мамыр 2019 15:57 373

Биыл Ақтөбе облысы 4 мың тонна ет экспорттайды

Фото: express-k.kz

Былтырғымен салыстырғанда өңірдегі экспортталатын еттің көлемі биыл екі есеге артық, деп хабарлайды Aktobenews.kz.

Қазіргі таңда мал тұқымдарын асылдандыру жұмыстары жүргізіліп жатыр. Алдыңғы жылдың қорытындысы бойынша ірі қараның 8 пайызы, қойдың 12,7 пайызы, жылқының 20 пайызы асыл тұқымды.

«Алдағы уақытта малдың өнімділігін арттыру үшін селекциялық асыл тұқымды шаруашылықтардың жандандырамыз. Тұқымдық түрлендіру жұмыстары жүргізіледі. Алған төлдерді мал бордақылау алаңдарына тапсыруымыз керек. Бүгінгі күні 23 мың басты бірден бордақылайтын «Актеп» ЖШС, «Жантер» ШҚ, «Наурыз-СИМ» ШҚ, «АРАЙ-М» ШҚ алаңдары бар. Былтыр 2 мың тонна етті экспортқа шығару туралы тапсырма берген болатын. Оны артығымен орындап, биыл 4 мың тоннаны жоспарлап отырмыз. Негізінен Иран, Ресей, Өзбекстан елдерінен сұраныс бар», – дейді Ақтөбе облысы ауыл шаруашылығы басқармасының басшысы Құсайын Сәрсенбай.

Былтырғы 238 млрд теңгенің тек 80 млрд көлемі өсімдік шаруашылығынан болса, қалғаны мал шаруашылығынан түскен пайда.

Ақмола облысы еттің алғашқы партиясын Иранға экспорттады

«Астана Агропродукт» ЖШС Иран еліне эт экспорттау бойынша келісімшартқа қол қойып, алғашқы партиясын жеткізді.

13 Наурыз 2019 12:50 271

Ақмола облысы еттің алғашқы партиясын Иранға экспорттады

Ақмола облысы еттің алғашқы партиясын Иран Ислам Республикасына экспорттады, деп хабарлайды ҚазАқпарат.  

Қорғалжын ауданының Сабынды ауылындағы «Астана Агропродукт» ЖШС Қазақстанда бірінші болып Иран еліне эт экспорттау бойынша келісімшартқа қол қойып, алғашқы партиясын жеткізді.

«Қазақстаннан жеткен еттің алғашқы партиясы Иран еліне Ақмола облысынан жөнелтілді. Айта кету керек, Иран мұсылман мемлекеті болғандықтан, онда етке деген сұраныс жоғары. Бұл дегеніміз «Астана Агропродукт» ЖШС шығаратын еттің халал өнімдерінің жоғары стандартына сай екенін білдіреді», – деп атап өтті Ақмола облысы әкімінің орынбасары Марат Иғалиев.

Ақмола облысының кәсіпкерлік және өнеркәсіп басқармасының мәліметі бойынша, «Астана-Агропродукт» ЖШС ет комбинаты өңірдегі ет өнімдерін өңдейтін ірі кәсіпорын саналады.

«Кәсіпорын немістің инновациялық технологиясын қолданады. Кәсіпорын ет өнімдерін эспорттауға бағытталған, бәсекеге сай, жоғары сапалы «Бакара» брендімен ет және шұжық өнімдерін шығарады», – дейді басқармадағылар.

Елбасының Астана айналасында азық-түлік белдеуін дамыту туралы тапсырмасын жүзеге асыру шеңберінде «Бакара» ет комбинаты елорданың сауда орындарына ет өнімдерін ұсынып, астаналықтар тарапынан жоғары сұранысқа ие болып отыр.

«2014 жылдан бастап «Астана-Агропродукт» ЖШС Мәскеу супермаркеттеріне ет деликатестерін жеткізу бойынша  Ресей нарығына шықты. Ал, ҚР агроөнеркәсіп кешенін дамыту бойынша 2017-2021 жылдарға арналған мемлекеттік бағдарламаны жүзеге асыру арқылы отандық ауыл шаруашылығы тауарларын өндірушілер үшін жаңа нарықты игеруде. Өндірісті «халал» стандартымен сертификаттаған «Астана Агропродукт» ЖШС Қазақстанда бірінші болып Иран еліне ет өнімдерін жеткізу бойынша келісімшарт жасады», – деп толықтырды ведомстводан.

Келісімшарт төрт айға, яғни 700 тонна ет экспорттауға арналған. Қазіргі кезде алдын ала ақшасы алынып, 60 тонна ет жөнелтіліп отыр.

«Наурыз айының соңына дейін тағы жөнелтіледі. Ал, сәуір айынан бастап ай сайын 200 тоннадан ет экспортталады. Иран мұсылман елі болғандықтан, мал сою процесін осында арнайы келген молда бақылап отырады. Ет вакуумға салынып, салқындатылған күйде Иранға жөнелтіледі. Алғашқы партия ирандықтарға жеткізілді. Ет сапасы мен дәмі оларға қатты ұнады. Әріптестеріміздің ай сайынғы етке деген сұранысы – 1000 тонна. Сондықтан, алдағы уақытта экспорт көлемін арттыратын боламыз», – дейді «Бакара» компаниялар тобының құрылтайшысы Серік Рахымбаев.

Оның айтуынша, компания – Қытайға ет өнімдерін жеткізу бойынша аттестациялау шараларынан өтіп жатқан бес компанияның бірі.