Қарағанды облысында мерзімді қызметтегі 2 сарбаз іздестірілуде, деп хабарлайды inbusiness.kz порталы Қорғаныс министрлігінің баспасөз қызметіне сілтеме жасап.
"Биыл 8 ақпанда Қарағанды гарнизонында мерзімді қызметтегі 2 әскери қызметші әскери бөлімді өз еркімен тастап кетті. Оларда қару болмаған", – деп жазылған хабарламада.
Бүгінде оларды әскери полиция мен облыстық полиция департаментінің қызметкерлері іздестіріп жатыр.
"Жедел-іздестіру іс-шаралары жүргізілуде. Оқиғаның себебі мен мән-жайы анықталады. Тергеу қорытындысы бойынша кінәлілер қатаң жауапкершілікке тартылады", – деп жазылған хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
