Бұл туралы Қарағанды облысының экология департаментінің басшысы Қанат Мұсапарбеков өңірлік коммуникациялар қызметінде өткен брифингте айтты.
"Жыл басынан бері Қарағанды облысында 745 рұқсат етілмеген қоқыс орны анықталды. 725-і жойылды. Жылдан жылға облыс бойынша рұқсат етілмеген полигондардың азаюы байқалады. Мәселен, Қарағанды, Теміртау, Бұқар жырау, Осакаров аудандары бойынша қоқыс үйінділерінің көбі жойылды", – деді Қанат Мұсапарбеков.
Еске сала кетсек, былтыр Қарағанды облысында қалдықтарды рұқсат етілмеген жерде төгу деректерін анықтау, жою және болдырмау жөніндегі іс-шаралар жоспары әзірленіп, бекітілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
