Қарағанды облысының әкімі Ермағанбет Бөлекпаевқа жайлау құру жөніндегі пилоттық жоба туралы өңір басшысының Бұқар Жырау ауданына жұмыс сапары барысында баяндалды.
Жайлауда қашалар жасалады, ветеринариялық іс-шараларға арналған вагондар орнатылады, сумен қамтамасыз етіледі. Аудандық бюджеттен 93 млн теңгеден астам қаржы бөлінді. Сонымен қатар, пайдаланылмаған жерлерді анықтау жалғасуда.
"Бұқар Жырау ауданы – облысымыздағы ең ірі аудандардың бірі. Онда 58 мың адам тұрады. Жайылымдар мен шабындық алқаптардың жетіспеушілігі барлық жерде байқалады. Аудан тұрғындары бұл мәселені үнемі көтеріп келеді. Сонымен қатар, пайдаланылмайтын жер учаскелерін алып қою бойынша сапалы жұмыс жүргізу қажет", – деді Ермағанбет Бөлекпаев.
Ауданда су құбыры желілерін жөндеу жалғасады. Суықсу, Төрткөл, Семізбұға және Үлгі ауылдарын сумен қамтамасыз ету жұмыстары аяқталады.
Жол инфрақұрылымының сапасын жақсарту бойынша көптеген жоспарлар бар. Ауданның 15 елді мекенінде 50 км кірме жолдар мен кентішілік жолдарды жөндеуге ақша бөлінді.
Бұқар Жырау ауданы бойынша жұмыс сапары барысында өңір басшысы бірнеше әлеуметтік нысандарды аралады. Олардың ішінде Ботақара кентіндегі Юрий Гагарин атындағы жалпы білім беретін мектеп бар. 1976 жылғы ғимарат жөнделуі керек. Мектеп басшысы Сағыныш Төлеуханованың айтуынша, барлық желілер ауыстыруды қажет етеді және іргелес аумақты абаттандыру қажет.
