Қарағанды облысының әкімі Жеңіс Қасымбек өңірдегі эпидемиологиялық ахуалдан хабардар етті. Оның сөзінше, ауру өршіген кезде тәулігіне 2,5 мыңнан астам жедел жәрдем шақыру тіркеліп отырған.
"Дәрігерлердің күш-жігерінің арқасында эпидемияның таралуын тоқтатуға мүмкіндік туды. Облыс көлемінде науқастану көрсеткіші соңғы бірнеше тәулікте 0,5%-дан асқан жоқ. Ал республика бойынша орташа көрсеткіш 0,7%-ды құрайды. Карантин кезінде облыста 9714 адам індет жұқтырды. Сондай-ақ, тәулігіне 2,5 мыңнан астам жедел жәрдем шақыру тіркеліп отырды. Маусым айының соңында күн сайынғы осындай медициналық көмекті шақыру 200-ге дейін төмендеді. Барлық күштерді жұмылдырудың арқасында, сәуір-маусым айы аралығында коронавирус инфекциясын емдеу үшін облыс бойынша 44 госпитальдің жұмысы ұйымдастырылды. Жедел жәрдем бригадалары саны 105-тен, 135-ке дейін көбейді. Індетті анықтауға арналған тестілеу де алты есе өсті. Облыстың барлық қаласында қуаттылығы тәулігіне 4,5 мың болатын ПТР тестілеу орталықтары ашылды", – деді Жеңіс Қасымбек.
Нұржан Көшкін
