Қарағанды облысында тікелей дауыс беру арқылы сайланған 75 ауыл әкімі қызметіне кірісті, деп хабарлайды inbusiness.kz.
Облыс әкімдігінің мәліметінше, өңірде 257 кандидаттың ішінен 75 ауыл әкімі сайланған. Оның ішінде 3 әйел бар. Ең жас жаңа әкім 26 жаста.
"Көпшілігіңіз алғаш рет әкім болып отырсыздар. Сайлауда ауыл басшыларының құрамы 77%-ға жаңарды. Бұл өте жақсы. Себебі, жаңа көзқарас проблемаларды жаңаша қарауға мүмкіндік береді...Сайлауда берген уәделеріңізді ұмытпаңыздар", - деді аймақ басшысы Жеңіс Қасымбек.
Ең жас әкім атанған 26 жастағы Владислав Кирей үмітті ақтауға тырысатынын жеткізді.
"Бұл сайлау жастардың басқарушы ретінде өз күшін сынап көруге мүмкіндік береді", - деді Абай ауданы Қарағанды ауылдық округінің жаңадан сайланған әкімі.
Дауыс беруге 61 846 адам қатысқан. Бұл дауыс бергендердің 75,85%-ы.
Сайлауға Nur Otan, "Ауыл", "Ақ жол", ADAL партияларының өкілдері қатысқан және 14 адам өзін-өзі ұсынған.
