Қарағанды облысында TikTok желісінде бейәдеп сөздер айтып, әдеп нормаларын бұзған әйел әкімшілік жауапкершілікке тартылды, деп хабарлайды inbusiness.kz сайты.
Полиция қызметкерлері әлеуметтік желілерге жүргізілген мониторинг барысында әйелдің қатысуымен түсірілген бейнежазбаны анықтаған. Онда оның бейәдеп сөздер айтып, әдеп нормаларына қайшы әрекеттер жасағаны байқалады.
Полицейлер әйелдің жеке басын анықтады. Ол – 1992 жылы туған Нұра ауданының тұрғыны Динара Макаш. Әйел полиция бөліміне жеткізілді.
Аталған дерек бойынша әкімшілік іс қозғалды. Сот шешімімен әйелге айыппұл салынды.
Полиция азаматтарды әлеуметтік желілерде де әдеп нормаларын сақтап, заң талаптарын бұзбауға шақырды. Интернет кеңістігіндегі құқық бұзушылықтардың алдын алу үшін мониторинг жұмыстары жалғасады.
