Қарағанды облысында жаңадан салынып жатқан зауыт алаңында жұмысшы биіктен құлап, қаза тапты, деп хабарлайды inbusiness.kz сайты ekaraganda.kz порталына сілтеме жасап.
Қайғылы оқиға 3 қарашада болған. Жұмысшы монтаждау жұмыстары кезінде биіктен құлап кеткен.
Еңбек инспекциясы департаменті қаза тапқан азаматтың қосалқы мердігер ұйымның қызметкері болғанын хабарлады.
"Салынып жатқан Qaragandy power Silicon зауытында монтаждау-дәнекерлеу жұмыстары кезінде қосалқы мердігер компанияның қызметкері биіктен құлап кетті. Еңбек инспекциясы департаментінде тиісті оқиғаны тергеу жөніндегі комиссия құрылады", – деді департаменттің баспасөз қызметі.
Полицияның мәліметінше, осы факті бойынша сотқа дейінгі тергеу басталған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
