Кеңесте Теміртаудағы жасөспірімдердің зейнеткерді ұрып-соғу оқиғасының мән-жайы талқыланды, деп хабарлайды inbusiness.kz сайты.
Комиссия отырысын облыс әкімінің орынбасары Әлібек Әлденей өткізді. Жағдай туралы баяндамалар тыңдалып, ұсыныстар айтылды.
"Біз жасөспірімдер агрессиясына ерекше алаңдаймыз және болашақта осындай оқыс оқиғаларды азайту бойынша қосымша шаралар әзірлеуге кірісеміз. Барлық кінәлілер қолданыстағы заңнама шеңберінде жауапкершілікке тартылады. Сондай-ақ ата-аналардан, педагогтардан балаларды тәрбиелеуге және олардың басқа адамдарға құрметпен қарауын, дұрыс құндылықтарды қалыптастыруға көбірек көңіл бөлуді сұраймын. Біз өз тарапымыздан жасөспірімдерді әлеуметтік қолдау мен алдын алу шараларын күшейту жұмыстарын жалғастырамыз", – деп жазды Ермағанбет Бөлекпаев Facebook-та.
Кәмелетке толмағандарға тиісінше бақылау жасамағаны үшін Теміртау әкімінің орынбасары Самат Зияшев қатаң сөгіс алды.
Сондай-ақ, жасөспірімдер оқыған білім беру мекемелері директорларының орынбасарлары тәртіптік жауапкершілікке тартылды.
Жасөспірімдер соққыға жыққан зейнеткердің үйінде "Шаңырақ" орталығының еріктілері барды. Жалпы, еріктілердің фронт-кеңсесі жалғыз басты қарттарға қамқорлықты күшейтеді.
Жақында Теміртау бір топ жасөспірімнің жалғызбасты қарттың үйіне баса көктеп кіріп, оны сабап тастағаны қоғамды дүр сілкіндірді.
Кінәлілер қолданыстағы заңнама аясында жауапкершілікке тартылады. Бұл оқиға бойынша полиция тергеу жүргізіп жатыр.
