Қарағанды облысының әкімі Ермағанбет Бөлекпаев теміртаулықтар жылусыз қалмайды деп уәде берді. Орталық коммуникациялар алаңында өткен брифингте аймақ басшысы жылу желілерінде апаттық жағдай орын алуы мүмкін екенін жоққа шығармады, деп жазады inbusiness.kz сайты.
"Теміртау қаласы жылусыз қалмайды. Күні кеше ғана Теміртау ЖЭО-2-де болдық. Бүгінде төрт қазандық жұмыс істеп тұр. Бесінші қазандық 20 қарашада, алтыншы қазандық 30 қарашада пайдалануға беріледі", - деді облыс әкімі Орталық коммуникациялар алаңында өткен брифингте.
Оның айтуынша, бүгінде жетінші резервтік қазандықтың құрылысы жүріп жатыр. Қазіргі кезде жұмыстың 80%-ға жуығы аяқталды. Сонымен қатар, мердігер құрылысты сәуір айына дейін аяқтауға міндетті.
"Әрине, желілерде апаттар орын алуы мүмкін. Бірақ біз мұны тез түзетеміз. Сондай-ақ, біз жол желілерінде біршама жұмыс атқардық, оны келесі жылы жүзеге асырамыз", - деп қосты Ермағанбет Бөлекпаев.
