/img/tv1.svg
RU KZ
FTSE 100 5 671,96 РТС 1 014,44
Hang Seng 23 497,47 KASE 2 224,17
DOW J 22 144,74 Алтын 1 605,80
Қарағанды шахтасында өрт болды

Қарағанды шахтасында өрт болды

Зардап шеккендер мен мерт болғандар жоқ. 

16 Ақпан 2020 11:44 147

Қарағанды шахтасында өрт болды

Қарағанды облысында шахтада тұтанған өрт ауыздықталды, деп хабарлайды ҚазАқпарат.

Бұған дейін хабарланғандай, 15 ақпан күні сағат 21.30 шамасында Шахтинск қаласына жақын орналасқан шахтада өрт болды. Жалын 100 метр тереңдікте тұтанған. Шахтада болған 116 адам жер бетіне эвакуацияланды.

Өртті сөндірумен ҚР Индустрия және инфрақұрылымдық даму министрлігінің «Кәсіби әскерилендірілген апаттық-құтқару қызметтері» Республикалық орталық штабы» ЖШС-ның 60 маманы мен 6 техникасы айналысты.

«ҚР Ішкі істер министрлігі Төтенше жағдайлар комитетінен мәлім еткендей, жалын 6 сағаттан кейін сөндірілді.

«100 метр тереңдікте көмір массивінің жарықтарынан жанып жатқан метан ара-тұра атқылап тұрды. ҚР ИИДМ «Кәсіби әскерилендірілген апаттық-құтқару қызметтері» Республикалық орталық штабы» ЖШС-ның жүргізген шараларының нәтижесінде жалын 03:40-та өшірілді. Кейін аталған учаскеде көмір массивін суыту жұмыстары жүргізілді. Ауадағы көмірқышқыл газының мөлшері нормадан аспайды. Зардап шеккендер мен мерт болғандар жоқ», - деді ҚР ІІМ ТЖК ресми өкілі Нұрсұлтан Нұрахметов.

inbusiness.kz-ті қараңыз, оқыңыз :

Оралда 3 адам өрттен көз жұмды

Ер адам және әйел мен баланың денесі табылды.

27 Қыркүйек 2019 10:35 598

Оралда 3 адам өрттен көз жұмды

Оралда өткен түні «Волна» бау-бақша серіктестігі аумағында өрт болып, 3 адам қаза болды, деп хабарлайды ІІМ ТЖ комитеті.

Ведомствоның хабарлауынша, өрт туралы хабарлама өртке қарсы қызметке жұма күні түнгі 2:46-да түскен. 6:15-ке қарай жалынның бетін қайтарған өрт сөндірушілер ол жерден 3 адамның денесін тапқан.

«Оқиға орнынан өртенген 3 адамның: 1961 жылғы ер адам, әйел мен баланың денесі табылды»,– делінген хабарламада.  

Баянауыл ұлттық паркі аумағындағы өрт ауыздықталды

Бүгін таңертең апат болған үш ауылдық округте де өрт сөндірілді, тағы екі ауылдық округте өрт ауыздықталған. 

23 Қыркүйек 2019 09:42 427

Баянауыл ұлттық паркі аумағындағы өрт ауыздықталды

Баянауыл ұлттық паркі аумағындағы ауқымды өрт ауыздықталды. Қаза болғандар мен зардап шеккендер жоқ. Қызыл жалынды сөндіруге 90-нан астам адам жұмылдырылған, деп хабарлайды ҚазАқпарат.

«Оқиға орнына қонған МИ-8 тікұшағы таңертең өрт сөндіру жұмыстарын бастады. Сонымен қатар, Баянауылға тағы бір МИ-26 тікұшағы барады», – дейді Павлодар облысы әкімдігінің баспасөз қызметі.

Сондай-ақ, дереккөз ұлттық паркте он бір арнайы техника: 6 өрт сөндіру машинасы, 3 самосвал және соқасы бар екі МТЗ тракторы жұмыс істеп жатқанын айтты. Өрт сөндіруге 90-нан астам адам жұмылдырылған.

«22 қыркүйек күні кешке Өскеменнен «Авиациямен орман қорғау және орман шаруашылығына қызмет көрсету қазақ базасы» республикалық кәсіпорнының МИ-8 тікұшағы ұшып келді. Ол таңғы сағат 7:00-де өрт сөндіру жұмыстарын бастады. Сонымен қатар, таңертең ауданға тағы бір Ми-26 ұшағы келеді», - деді Баянауыл аудандық әкімдігінен.

Павлодар облысы әкімі Болат Бақауов кеше күндіз өрт сөндіретін штаб құрып, орын алған оқиға туралы еліміздің вице-премьері Роман Склярға хабарлады.

«Аудан басшысы 23:00-де оқиға орнына жетті. Павлодардан қосымша 4 өрт сөндіру техникасы жіберілді»,– деді облыстық әкімдіктің баспасөз қызметі.

Айта кетейік, бүгін таңертең апат болған үш ауылдық округте де өрт сөндірілді, тағы екі ауылдық округте өрт ауыздықталған. Сонымен қатар, Баянауыл ұлттық паркінің таулы жерлерінде де өрт сөндіру жалғасып жатыр.

Жаңалықтарға жазылу: