Қарағанды полиция департаменті қаладағы хайуанаттар бағының үш қызметкеріне қатысты сот тыңдауы басталғанын мәлімдеді, деп жазады inbusiness.kz сайты.
Айыпталушылар былтыр маусым айында жануарларды хайуанаттар бағының аумағынан шығарып, алты миллион теңгеге сатуға тырысқан. Туғаннан бастап бір айлық кішкентай арыстандар картон қорапта болған. Қазыбек би аудандық сотының сотталушылар орындығында Қарағанды мемлекеттік хайуанаттар бағы директорының орынбасары және екі қызметкері отыр.
Сотталушыларға Қылмыстық кодекстің екі бабына сәйкес, яғни 339-бап "Сирек кездесетін және құрып кету қаупі төнген жануарларды заңсыз ұстау" және 188-бап "Ұрлық, яғни бөтеннің мүлкін жасырын ұрлау" бойынша айып тағылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
