Қарағанды полициясы автобустарға пневматикалық қарудан оқ атқан адамды іздестіріп жатыр. Әзірге оның аты-жөні анықталған жоқ. Бұл туралы облыстық полиция департаментінің баспасөз қызметі хабарлады.
Баспасөз қызметінің дерегінше, белгісіз біреу кеше кешқұрым №40, №45 №33 бағыттардағы жолаушылар автобустарына оқ атып, терезелерін сындырған.
"Тексеру барысында полиция қызметкерлері автобустардың бірінің салонынан пневматикалық қарудың диаметрі 4,5 мм металл шарын тапты",–делінген хабарламада.
Қазір қылмыстық іс қозғалып, күдіктіні анықтап, ұстау үшін жұмыс жүргізілуде.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
