/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Қарағандыда бес көп балалы отбасы демеушілердің көмегімен баспаналы болды

Қарағандыда бес көп балалы отбасы демеушілердің көмегімен баспаналы болды

Қайырымды жандар пәтер алған отбасылардың несиелерінде төлеп берген.  

01 Маусым 2020 18:58 352

Қарағандыда бес көп балалы отбасы демеушілердің көмегімен баспаналы болды

1 маусым балаларды қорғау күні мерекесінде Қарағандыдағы бес көп балалы отбасы баспаналы болып қуаныштары еселенді. «Талбесік» көп балалы аналар ұйымының араласуымен демеушілер 7 көп балалы отбасының баспаналы болуына қаржылай көмек көрсетті. «Атымтай жомарт» демеушілер баспанасы жоқ 16 отбасының ішінен 7 жанұяны таңдап алып, көмек қолын созған. Бұл отбасыларда он, алты, бес, төрт балалардан бар. Арасында мүмкіндігі шектеулі бала өсіріп отырған отбасыда кездеседі. Қазіргі таңда бес отбасы пәтер құжаттарын рәсімдеп, оларға пәтер кілттері табыс етілген.

«Бастапқыда демеушілердің қаражаты үш отбасына пәтер алуға жетіп тұрды. Сосын мен банк арқылы елу пайыз қаражат салып, жеті отбасыға баспана алатындай жағдай жасайық деп ұсыныс білдірдім. Енді жеті отбасына банкке елу пайыз ақша салды, әрі қарай көп балалы ата-аналар жұмыс істейді, өз қаражаттарымен қалғанын төлеп отырады. Сонымен қатар демеушілердің бірі жеті ананың несиелерін жауып берді», – деп мәлімдеді «Талбесік» көп балалы аналар ұйымының төрайымы Ләззат Қожахмет.

Бүгін бес отбасына салтанатты түрде пәтер кілті табыс етілді. Енді тағы екі көп балалы отбасы баспана іздеп жүр. Олар алдағы уақытта баспаналы болады. Қаражатымен көп балалы отбасын қуантқан жомарт жандар  аты жөндерін атамай, жасырын қалуды дұрыс деп шешкен.

Айта кету керек, карантин кезінде «Талбесі» көп балалы аналар ұйымының ат салысуымен Қарағанды облысында демеушілер 600-ге жуық тұрмысы төмен отбасына азық-түлік ретінде көмек көрсеткен.

Арайлым Еркебаева

7-20-25: Ақтөбеде алғашқы жарна екі есеге азаймақ

Естеріңізге сала кетейік, Ақтөбе «7-20-25» бағдарламасы бойынша бастапқы жарнасы азайған екінші аймақ болып отыр. Бұған дейін Шымкент қаласында «Жас Арман» және «Қамқор Баспана» өнімдері пилот ретінде іске қосылған еді.

14 Қыркүйек 2018 18:15 1130

7-20-25: Ақтөбеде алғашқы жарна екі есеге азаймақ

Ақтөбе облысында «7-20-25» бағдарламасының аясында «Жас арман» және «Қамқор баспана» өнімдеріне қосылды. Бүгін Ақтөбе облысының әкімі Бердібек Сапарбаев пен «Баспана» ипотекалық ұйымының басшысы Қайрат Алтынбеков тиісті меморандумға қол қойды, деп хабарлайды «Баспана» Ипотекалық ұйымының баспасөз қызметіне сілтемемен 24.kz. 

Осылайша, жас отбасылар мен Ақтөбе облысының бюджеттік сала қызметкерлері «7-20-25» бағдарламасы бойынша пәтер құнының 10%-ын ғана төлеп, үй алу мүмкіндігіне ие болады.

Меморандумға сәйкес Ақтөбе облысының әкімдігі аталған азаматтарға бастапқы жарнаның жартысын төлеуді өз мойнына алады және осы мақсатқа 2 млрд теңге бөледі.

«Ақтөбе облысының әкімі мен «Нұр Отан» партиясына бастапқы жарнаны азайту бойынша әлеуметтік бастамаларды қолдағаны үшін алғысымды білдіргім келеді. Облыс қарқынды дамып келеді және «7-20-25» бағдарламасына қатысушылардың саны бойынша көшбасшылардың бірі. Қазіргі уақытта біз «Нұр Отан» партиясымен бірлесе отырып, еліміздің басқа өңірлерінде де осы бастамаларды жүзеге асыру бойынша жұмыстар жүргізіп жатырмыз», - деді «Баспана» ипотекалық ұйымының басшысы Қайрат Алтынбеков.

Астана әкімдігі баспана алуға әлеуметтік көмек көрсететін жаңа бағдарлама әзірледі

Көмекке ие болу үшін азаматтың мемлекеттік қызметте кем дегенде 5-7 жыл жұмыс істеген болуы керек.

12 Қыркүйек 2018 18:03 887

Астана әкімдігі баспана алуға әлеуметтік көмек көрсететін жаңа бағдарлама әзірледі

Астана әкімдігі баспана алуға әлеуметтік көмек көрсететін жаңа бағдарлама әзірледі, деп хабарлайды Astana TV.

Бағдарлама аясында мұғалімдерге, дәрігерлер мен тәртіп сақшыларына құны 1 миллион теңге болатын сертификат беріледі. Шарт бойынша, көмекке ие болу үшін азаматтың мемлекеттік қызметте кем дегенде 5-7 жыл жұмыс істеген болуы керек.

Бағдарлама арқылы қалалық қызметтегілердің жоғары білікті мамандар корпусын құру көзделіп отыр. Алғашқы кезеңде 10 мың пәтерді беру жоспарда тұр. Кейін 20 мыңға артатын болады.

Үміткерлер елордада жаңадан бой көтерген үйлерге қоныстандырылады. Жоспарға сай, 1 шаршы метрінің бағасы 230 мың теңгеден аспауға тиіс.

Қазір Астананың денсаулық сақтау ұйымдарында жұмыс істейтін 17,5 мың қызметкердің 5 мыңдайы баспанаға зәру. Үйге мұқтаж тағы 9 мың адам білім беру саласында еңбек етеді. 4 мың тәртіп сақшысының 3 мыңға жуығы баспаналы болуды армандап жүр