Бірнеше жыл қатарынан "Қазақстан Ғарыш Сапары" ұлттық компаниясы еліміздің аймақтарындағы стихиялық үйінділерді анықтау үшін ғарыштық мониторинг жүргізіп келеді. Тапсырыс беруші – ҚР Экология, геология және табиғи ресурстар министрлігі.
"Қарағанды облысында 2018 жылдан бастап жерді қашықтықтан зондтаудың, рұқсат етілмеген қоқыс полигондарының орналасуын ғарыштық суреттермен қамтамасыз ету туралы келісімге қол қойылды. Былтырғы ғарыштық мониторинг нәтижелері бойынша облыста мыңнан астам стихиялық қоқыс анықталып, жойылды. Биыл мониторинг Қарағандыда өтті. Қазіргі уақытта қалалар мен аудандардың әкімдіктері қоқыс полигондарын жоюға кірісті. Жақын уақытта Қарқаралы ауданының аумағын қашықтықтан зондтау жоспарланып отыр", – дейді Қарағанды облысының экология департаментінен.
