Халықаралық балаларды қорғау күнінде Қарағанды қаласында Кеншілер мәдениет сарайының алдында қол арбалар шеруі өтеді, деп хабарлайды karaganda-region.gov.kz.
Қол арбалар шеруі – ол әр қилы безендірілген балалардың қол арбаларының карнавалы. Бұл шараға отбасымен келетіндер жетерлік. Мерекелік шеруде ата-аналар сүйретіп келе жатқан нағыз қол арбалармен қоса, ойыншық арбалар да болады.
Шеруде әркім өзінің қиялына ерік беріп, қолдарынан келген өнерлерін көрсету мүмкіндігіне ие бола алады. Ересектердің көмегімен қарапайым қол арбалар ұшақтарға, диджей пультіне, жедел жәрдем көлігіне, фермаға, киіз үйге, Спанч Бобқа, және тағы да көптеген заттар мен кейіпкерлерге айналады. Ең жасампаздарға сыйлықтар мен мадақтамалар табыс етіледі.
Қарағанды қаласында алғаш рет қол арбалар шеруі 2013 жылы ұйымдастырылған еді. Биыл бұл шара бесінші рет өткізілмек.
