Қарағандыда көпқабатты тұрғын үйде шыққан өрт салдарынан 20 адам эвакуацияланды, деп жазады inbusiness.kz ТЖМ баспасөз қызметіне сілтеме жасап.
24 қаңтар күні сағат 02:56-да қаладағы Степной-4 шағын ауданында өрт шыққаны туралы хабарлама келіп түсті.
"10 қабатты тұрғын үйдің екінші қабатындағы пәтерде жалпы алаңы 3 шаршы метрді алатын аумақта үй заттары мен жиһаздың өртеніп жатқаны белгілі болды. Төтенше жағдай департаментінің күштері баспалдақ маршымен пәтерлерден 20 адамды эвакуациялады. Оның бесеуі – балалар", - делінген ведомство таратқан хабарламада.
Ақпаратқа сәйкес, өрт 03-30-да жойылды.
Өрттің алдын ала себебі – электр сымдарының қысқа тұйықталуы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
