Жексенбіден дүйсенбіге қараған түні Қарағанды облысы Шахтинск қаласы Шахан ауылында көпқабатты үй құлап, 9 адам қаза болды. Бұл туралы Шахан ауылы әкімдігі жанынан құрылған жедел штабтан хабарлады.
"9 адам қаза тапты, 2 азамат ауруханаға жеткізілді, үйінді астында қалып қойған 2 адамды құтқару жұмысы жүріп жатыр", – дейді құтқарушылар.
Алдын ала мәліметке сүйенсек, үйдің құлауына жылыту қазандығының жарылуы себеп болған. Қаза болғандар арасында 3 ер, 3 әйел және 3 бала бар. Балалардың біреуі 2010, екеуі 2016 жылы туған.
ТЖД мамандарының айтуынша, қазір құтқару жұмысына 280 қызметкер мен ауыр инженерлік техника тартылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
