Қарағандыда Балалар және жасөспірімдер сарайының алаңында 1-2 желтоқсанда рапид және блиц түрлері бойынша облыстық шахмат турнирі өтеді, деп хабарлайды өңір әкімінің баспасөз қызметі.
Сайысқа қатысуға зияткерлірк спорт түрін сүйетін кез-келген ниет білдіруші қатыса алады. Мұнда екі жас мөлшері бойынша бөлінген топтарда бақ сынауға болады: 14-20 жас және 21-29 жас.
Әрбір турнир үшін ұйымдастырушылар 340 мың теңге көлемінде жүлде қорын дайындады.
Жеңімпаздар 70 мың теңге сыйлық алады. Екінші орынға берілетін жүлде көлемі – 50 мың теңге, үшінші орынға – 30 мың теңге. Сондай-ақ 10 мың теңге көлемінде жұбаныш сыйлықтары да қарастырылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
