Қарағандыда 19–24 қазан аралығында Олимпиада чемпионы Серік Сәпиевтің жүлдесіне арналған XIV халықаралық бокс турнирі өтеді, деп хабарлайды inbusiness.kz сайты.
Жарысқа Қазақстанның барлық өңірінен, сондай-ақ Өзбекстан, Тәжікстан, Моңғолия, Қырғызстан және Ресейден 200-ден астам жас боксшы қатысады. 2011–2012 жылдары туған ұлдар мен қыздар 14 салмақ дәрежесінде бақ сынайды.
Турнир Серік Сәпиев атындағы бокс орталығында өтеді. Мекенжайы: Республика даңғылы, 11/3.
19 қазанда алдын ала жекпе-жектер басталады. Ал жарыстың салтанатты ашылу рәсімі сағат 15:00-ге жоспарланған.
Ұйымдастырушылар қала тұрғындары мен қонақтарын жас спортшыларға қолдау көрсетуге шақырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
