Қарағанды қаласындағы Камская көшесінде шағын автобус өртеніп кетті, деп жазады inbusiness.kz ekaraganda порталына сілтеме жасап.
Куәгерлер оқиғаны бейнежазбаға түсірген. Адамдар құтқарушылар келгенге дейін машинадан шығып үлгерді.
Бүгінгі таңда Төтенше жағдайлар департаментінің мамандары өртті ауыздықтады.
“2 маусым сағат 11.45-те өрт туралы хабарлама келіп түсті. 15 шаршы метр аумақта “DONG FENG” автобусы өртеніп кетті. Қызыл жалын сағат 12.00-де ауыздықталды, барлық жолаушы өртке қарсы қызмет келгенге дейін машинадан өздігінен шығып үлгерді. Қаза тапқандар мен зардап шеккендер жоқ, өрттің себебі анықталып жатыр”, - деп хабарлады ТЖД баспасөз қызметі.
Жолаушылар көлігі және автомобиль жолдары басқармасы өртенген автобустың жеке меншік компанияға тиесілі екенін анықтады.
