Қарағанды облысында 18 сәуірде коронавирустық инфекцияны жұқтырудың екі жаңа жағдайы расталды, деп хабарлайды өңір әкімінің баспасөз қызметі.
Екі науқас та Теміртау қаласының тұрғыны. Олардың бірі – 18 жаста, екіншісі – 52 жаста. Олар жұқтырғандармен бұрын жақын байланыста болып, карантиндік стационарға жатқызылған.
Бүгінгі таңда облыста COVID-19 89 жағдайы тіркелген. Бір науқас қайтыс болды, бес адам жазылып шықты.
Тәулік бойы бақылауда 781 адам бар. Олар 1А және 1Б (Италия, Франция, Испания, Иран, Германия, Үндістан, Таиланд, Малайзия, БАӘ, Шри-Ланка, Египет) санатындағы елдерден келген немесе шартты түрде жұқтырғандармен байланыста болған адамдар. Үй карантинінде – 2 340 адам жатыр, үй карантинінен 403 адам шығарылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
