Қарағандыда құқық қорғау органдарының орталығы ашылды. Орталықта тегін заңгерлік қызметтердің 20-дан астам түрі ұсынылады, деп хабарлайды strategy2050.kz.
"Халыққа прокурорлар, адвокаттар, медиаторлар, сот атқарушылары, пробация қызметінің өкілдері, сондай-ақ психологтар кеңес беретін болады. Болашақта халықтан келіп түскен сұрақтарға байланысты заң қызметтерін ұсынатын субъектілердің саны қайта қаралатын болады", - деді орталық басшысы Серік Мақанов.
Кез келген адам жұмыс күндері 9.00-ден 18.30-ға дейін орталыққа хабарласа алады. Қабылдауды білікті психологтар мен медиаторлар, адвокаттар, сондай-ақ құқық қорғау органдарының өкілдері жүргізеді. Бұдан басқа, адамдарда жеке өтініш болған жағдайда, сондай-ақ екі тарап арасындағы жанжалдарды тергеу кезінде психологиялық көмек қажет болған жағдайда әртүрлі шағымдар қарастырылады.
Қалыптасқан прокурорлардан басқа облыстық прокуратура басшылары тиісті кесте негізінде жұмыс жасайды.
