Қарағандыда үйсіз жануарларды уақытша ұстау пункті жабдықталды. Ол демеушілік қаражатқа салынған.
Пункт ЖЭО-1 ауданында, жанармай құю бекетінің артында орналасқан.
Аумақта 24 қоршау және екі жабдықталған контейнер орнатылған. Периметрі бойынша аумақ қоршаумен қоршалған. Су өткізілді, электр қуаты қосылды.
"Барлығы 0,3 га бөлінді. контейнерлерде ветеринарлар кабинеттері орналасады. Мұнда үйсіз жануарларды зарарсыздандыру, вакцинациялау және чиптеу жүргізіледі. Уақытша ұстау пункті қалалық ветеринариялық станцияның балансына қойылды. Қазір конкурстық рәсімдер жүріп жатыр. Аяқтағаннан кейін мұнда жұмыс істейтін компания анықталады", – дейді ветеринария басқармасының басшысы Қайрбек Тұрсынбеков.
Бүгінгі таңда Қарағанды облысында қаңғыбас иттерді уақытша ұстауға арналған бірнеше пункт ашылған. Үш жылдан астам уақыт бұрын Балқаштың ветеринарлық станциясында қоршаулар пайда болды. Бұқар жырау ауданының Қарқаралы, Осакаровка және Көкпекті ауылында да пункттер бар.
