/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 435,65 Brent 36,55
Қарағандыда үстел теннисі орталығы ашылады

Қарағандыда үстел теннисі орталығы ашылады

Үстел теннисінен Қарағанды спортшылары бүгінде Қазақстанда көш бастап тұрған атлеттер қатарында.  

02 Тамыз 2020 13:27 150

Қарағандыда   үстел теннисі орталығы ашылады

Қарағандыда  халықаралық талаптарға сай әлемдік дәрежедегі үстел теннисі орталығы ашылады, деп хабарлайды Olympic.kz.

Былтырғы маусымда олар 16 халықаралық, 17 республикалық жарысқа қатысты. Нәтижесінде, барлығы 27 алтын, 26 күміс және 22 қола медаль жеңіп алды.

Ересектер ұлттық құрама сапында Қарағандының 7 өкілі, жастар құрамында – 2, ал жасөспірімдер командасында 9 қарағандылық теннисші бар.

Қазіргі таңда қарағандылық Зәуреш Ақашева республикалық рейтингте көш бастап тұр. Ал ең жас, 13 жастағы Алан Құрманғалиевті Халықаралық үстел теннисі федерациясы (ITTF) әлемдік Hopes Week турниірнің үздік ойыншысы деп тапты.

Қарағандыда ашылатын үстел теннисі орталығында жаттығу және ойын залы болады. Сондай-ақ, аталған орталықта әлемдік ITTF кезеңдерін өткізуге болады.   

ITTF тағы бір әлем чемпионатының кейінге шегерілгенін мәлімдеді

Осыған дейін үстел теннисінен командалық әлем чемпионаты да 2021 жылға ауыстырылған болатын.    

14 Маусым 2020 09:47 201

ITTF тағы бір әлем чемпионатының кейінге шегерілгенін мәлімдеді

Халықаралық үстел теннисі федерациясы Masters әлем чемпионатының өтетін уақытын өзгерткенін мәлімдеді, деп хабарлайды Olympic.kz.

Халықаралық үстел теннисі, Swaythling Club (бұрыңғы әлем чемпиондарының қауымдастығы), жергілікті ұйымдастыру комитеті мен Франция федерациясы барлығы бірге ақылдасып, нәтижесінде чемпионатты шегеру туралы шешімге тоқтаған. Жаңа шешім бойынша ардагерлер арасындағы біріншілік 2021 жылдың 26 сәуірінен 2 мамыры аралығында өтеді. Бордо велодромына жарысқа 36 үстел, жаттығу үшін 40 үстел және де 152 үстелді көрме орталығына орналастырмақшы. Көрме орталығында орналасқан үстелге жарыс көрермендері келіп, үстел теннисін ойнауға мүмкіндік беріледі. 

Кирилл Герасименко үстел теннисінен Германиядағы жарысты жеңіспен бастады

German Open – Халықаралық үстел теннисі федерациясының ұйымдастыруымен жыл сайын Германияда өтетін турнир.

29 Қаңтар 2020 13:15 251

Кирилл Герасименко үстел теннисінен Германиядағы жарысты жеңіспен бастады

28 қаңтар күні Германияның Магдебург қаласында үстел теннисінен ITTF World Tour Platinum - German Open ірі халықаралық турнирі басталды. Аталған сынға Қазақстан атынан Кирилл Герасименко мен Анастасия Лаврова қатысуда, деп хабарлайды Olympic.kz. 

Бірінші жарыс күнінде Анастасия Лаврова жапониялық Хонока Хашимтомен кездесті. Өкінішке қарай, біздің спортшы әлем чемпионатының қола жүлдегеріне қарсылық таныта алмай, 0:4 есебімен ұтылды. 

Қазақстан командасының көшбасшысы Кирилл Герасименко бірінші жарыс күнінде жапондық Сонэ Какерді ұтты. Келесі айналымда Герасименко германиялық Вальтер Рикардоға қарсы ойнайды. 

German Open – Халықаралық үстел теннисі федерациясының ұйымдастыруымен жыл сайын Германияда өтетін турнир. Бүгінде аталған турнирдің жүлде қоры 235,000 АҚШ долларын құрайды.