Қарағандыда жаратылыстану-математика циклінің XI Президенттік олимпиадасының бірінші (қалалық) кезеңі басталды. Оған 35 білім ұйымдарынан жиналған 11-ші сыныптардың 88 оқушысы қатысты, деп хабарлайды өңір әкімінің баспасөз қзметі.
Жоғарғы сынып оқушылары төрт пән бойынша тапсырмалар орындады: математика, физика, химия және биология. Есептерді шығаруға және жауаптарды толтыруға төрт сағат уақыт берілді.
Қала бойынша бірінші орынды №101 мектеп-лицейінің оқушысы Теймураз Джалаев иеленді. Ол математика бойынша тапсырмаларды барлығынан үздік шығарған. жинаған ұпайлар бойынша мықтылар қатарына №2 лицейдің, №38, 97, 3, 45 гимназиялардың, №102 мектеп-гимназиясының, С.Сәттаров атындағы №57 мектептің, №41 ЖББМ кірді. Олардың жұмыстары 2-шіден 10-шыға дейінгі орындарды иеленді.
Президент олимпиадасын жыл сайын ҚР білім және ғылым министрлігі ұйымдастырады. Оның мақсаты – дарынды балаларды анықтау және қолдау. Зияткерлік сайыстар үш кезең бойынша өткізіледі: I - аймақтық; II – іріктеу, екі турдан құралады: қашықтықтан және эссе; III (қорытынды) – республикалық.
Президент олимпиадасының ақтық сайысына шыққандардың барлығы қатысушы сертификатын алады. Жеңімпаздар мен жүлдегерлер ҚР БҒМ дипломдарымен марапатталады.
