Қарағанды мен Қарағанды облысында апаттан кейін жарық қайта берілді, деп жазады inbusiness.kz аймақ әкімінің баспасөз қызметіне сілтеме жасап.
"Жарық берілді. Электр қуаты толығымен қосылды", — делінген хабарламада.
Ал ҚР Энергетика министрлігінің Атом және энергетикалық қадағалау және бақылау комитеті 3-ЖЭО-дағы техникалық апатты тергеуді бастады.
"Қарағанды-Энергоцентр" ЖШС 220 кВ ЖЭО-3 ашық тарату құрылғысында қысқа тұйықталу болған, ал Қарағанды ЖЭО-3 және Топар ГРЭС-тің байланыстыратын 110 кВ электр беру желілерінің шамадан тыс жүктелуі салдарынан аталған электр станцияларында генерацияның толық төмендеуі орын алды", - деп хабарлады ведомстводан.
Бұған дейін 3-ЖЭО-дағы ірі апат салдарынан қарағандылықтар жарықсыз қалғанын хабарлаған болатынбыз.
