"Қарағанды облыстық полиция департаменті экстремизмге қарсы күрес басқармасы қызметкерлері жүргізген жедел-іздестіру іс-шаралары барысында 29 жастағы ер адам күдікке ілінді. Ол мойындау көрсетпе белгілерін беріп, айғақ зат ретінде ұялы телефон тәркіленді. Тергеу амалдары жүргізіліп жатыр", - деп жазылған ақпаратта.
Естеріңізге сала кетейік, 31 наурыз күні сағат 09.00-де 102 телефонына Мұқанов көшесіндегі ХҚКО-да жарылғыш зат орнатылды деген ақпарат түскен. Оқиға орынында жедел қызмет жұмыс істеді. Ғимараттан 31 адам эвакуацияланды.
Ғимаратты қарау барысында ешқандай жарылғыш зат табылған жоқ. Аталған факт бойынша Қылмыстық кодекстің 273-бабына сәйкес сотқа дейінгі тергеу басталды. Аталған баптың санкциясына сәйкес 5 жылға дейін бас бостандығынан айыру көзделген.
