Қарағандыда реттелмейтін жаяу жүргіншілер өткелінде 40 жастағы әйелді көлік қағып кетті, деп жазады inbusiness.kz ekaraganda.kz порталына сілтеме жасап.
Ақпаратқа сәйкес, оқыс оқиға 2 қазан күні кешкі сағат 21.00-де болған.
Абай көшесіндегі жаяу жүргіншілер өткелінде жолдан өтіп бара жатқан қала тұрғынын Toyota көлігі қағып кеткен.
Облыстық полиция департаменті оқиғаға қатысты түсінік берді.
"2 қазан күні сағат 20.49-де Toyota көлігінің 38 жастағы жүргізушісі Абай көшесі бойында реттелмейтін жаяу жүргіншілер өткелінде жаяу жүргіншіні қағып кетті. Дерек полицияда тіркелді. Тиісті сараптамалар тағайындалды, оның нәтижесі бойынша процессуалдық шешім қабылданады", - делінген хабарламада.
40 жастағы әйел жарақат алып, ауруханаға жеткізілді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
