Қарағанды аэродромында шағын авиация санатындағы ұшақ апатқа ұшырады. Бұл туралы ҚР ИИДМ азаматтық авиация комитеті мәлім етті, деп хабарлайды ҚазАқпарат.
"Бүгін сағат 16:25 кезінде оқу-жаттығу шараларын орындау кезінде қонуға бағыт алған FK14 "Полярис" типті жеңіл авиация ұшағы апатқа ұшырады. Апат Балапан әуеайлағында (Қарағанды) орын алды. Алдын ала мәліметтерге қарағанда, 2 адамнан тұратын экипаж қаза болды", – делінген хабарламада.
Аталған авиациялық апат бойынша ҚР ИИДМ азаматтық авиациялық оқиғаларды тергеу бойынша басқарамасы тексеру шараларын бастап кетті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
