Қарағандыда жүк көлігі аударылып, шамамен 2 тонна бензин жерге төгілді, деп хабарлайды inbusiness.kz.
Қалалық төтенше жағдай департаментінің мәліметінше, 16 ақпанда сағат 12.15-те Қарағандыдағы 15-магистраль мен Попов көшелерінің қиылысында жүк көлігі аударылған.
"Салдарынан шамамен 2 тонна бензин жолға төгілді. Оқиға орнында өрт болмаған. Жанармай 300 шаршы метр аумаққа төгілген", – деп жазылған хабарламада.
ТЖД қызметкерлері бензин төгілген жерге көбік шашқан.
"Оқыс оқиғадан қаза тапқандар мен зардап шеккендер жоқ. Жанармай төгілген жол бөлігін полиция уақытша жапты. Аударылған цистернаны ТЖД және "ГазОйлПром" ЖШС қызметкерлері көтерді", - деп жазылған хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
