Жеке серіктестік жер қойнауын геологиялық барлаудың 2022-2024 жылдарға арналған мемлекеттік бағдарламасы аясында Құйрықтыкөл учаскесінде барлау жұмыстарын жүргізді, деп жазады inbusiness.kz сайты Өнеркәсіп және құрылыс министрлігіне сілтеме жасап.
Құйрықтыкөл учаскесі Астанадан оңтүстік-шығысқа қарай 300 км жерде, Қарағанды облысы Қарқаралы ауданында, Қарқаралыдан солтүстік-шығысқа қарай 100 км жерде орналасқан.
"Центргеолсемка" ЖШС басшылығы сирек жер элементтерін сандық анықтаудың едәуір бөлігін өз қаражаты есебінен жүргізді, бұл қорларды алдын ала бағалауға мүмкіндік берді. Барлық қолда бар материалдарды талдағаннан кейін "Жаңа Қазақстан" атты өте үлкен болжамды ауданы анықталып, алдын ала бағаланды. Оның ауданы Құйрықтыкөл учаскесін түгелдей дерлік қамтиды", - деп жазылған хабарламада.
Ауданның 300 метр тереңдіктегі сирек жер металдарының жалпы болжамды қоры 20,0 млн тоннадан асады. Сирек жер элементтерінің орташа мөлшері шамамен 700 г/т құрайды.
