Қарағанды қаласында бүгін сағат 16:19-да Потанин көшесінде "Хантер АГЗС" ЖШС кәсіпорны аумағында көлемі 6 текше метр металл ыдыстағы газ өртенді.
"Өртке қарсы қызмет келгенге дейін сыйымдылықта газ-ауа қоспасының жарылысы болды. Одан 40 шаршы метр аумақта жеке құрылымның металл конструкцияларына зақым келді. ТЖД күшімен барлығы 66 тұрмыстық газ баллоны шығарылды (53 дана — 27 л, 13 дана — 50 л). 16-59-да өрт сөндірілді. Зардап шеккендер жоқ", - деп мәлімдеді Қарағанды облыстық ТЖД баспасөз қызметі.
Қазіргі кезде оқиғаның мән-жайы анықталып жатыр.
Өртті жоюға Қарағанды облысы ТЖД жеке құрамының 22 қызметкері және 6 бірлік техникасы жұмылдырылды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
