Медициналық сақтандыру жүйесі енгізілгенге дейін КТ және МРТ-ға тегін жолдамалар шектеулі мөлшерде және азаматтардың әлеуметтік қорғалмаған санаттары үшін ғана берілетін.
Салыстыра кетсек, өткен жылдың бірінші тоқсанында Қарағандының № 1 көпсалалы ауруханасында бұл зерттеулерден 974 пациент өтті. 2020 жылдың осы кезеңінде олардың саны 200-ге де жетпейтін. Барлығы 2022 жылы көпсалалы ауруханада 2 мыңға жуық сақтандырылған пациент КТ және МРТ өтті. Дәрігерлер зерттеулер санының өсуін медициналық қызметтердің қолжетімділігінің артуымен байланыстырады, деп жазады inbusiness.kz облыс әкімдігіне сілтеме жасап.
– Бұл жерде кез келген зерттеулер пациенттің қалауы немесе талабы бойынша емес, айғақтар бойынша жүргізілетінін еске салғым келеді. КТ/МРТ жүргізу қажеттілігі бар ма, оны дәрігер бекітілген стандарттар мен диагностика және емдеу хаттамаларына сәйкес анықтайды, – дейді Қарағанды № 1 көпсалалы емхана директорының орынбасары Радмила Ғабдракипова.
