Соңғы

Қарақалпақстандағы оқиғаға байланысты шекарада қалып қойған қазақстандықтар оралды

08.07.22, 12:09 636

Қарақалпақстандағы тәртіпсіздіктер кезінде Қазақстан-Өзбекстан шекарасында қалып қойған Қазақстан азаматтары отанына оралды. Бұл туралы Өзбекстанның Қазақстандағы Төтенше және Өкілетті Елшісі Саидикрам Ниязходжаев мәлімдеді, деп хабарлайды innusiness.kz тілшісі.

Қарақалпақстандағы оқиғаға байланысты шекарада қалып қойған қазақстандықтар оралды

"Біз кейінгі күндері, 3-5 шілде аралығында өткізу пунктінде болған Қазақстан Республикасының азаматтарын түгел шығардық, яғни олардың барлығы отанына оралды. Онда әйелдер де, сыртқы істер министрлігі де, Самарқандтағы ҚР Бас консулдығы да жақсы жұмыс істеді", – деді ол.