Нұр-Сұлтанға кіру шектелген. Өткізу-бақылау бекеттері алынған жоқ, олардың жұмысы жалғасып жатыр. Бұл туралы әкімдіктің баспасөз хатшысы хабарлады.
"Елорда әкімдігі жанындағы жедел штаб карантин режимі алынбағанын хабарлайды. Қалаға кіру шектелген. Елордаға қаланың тыныс-тіршілігін қамтамасыз ететін нысандарында жұмыс істейтін тұрғындар ғана кіре алады. Қызметкерлер тізімін Ақмола облысының әкімдері береді",– деп жазды Ақмарал Олжабаева әлеуметтік желіде.
Әкімдіктің ресми өкілі қалаға азық-түлік өнімдері еш кедергісіз жеткізілуде екенін атап өтті.
"11 мамырда Төтенше жағдай режимі алынды. Алайда, Нұр-Сұлтан қаласы бұрынғыдай карантин режимінде өмір сүре береді. Қала аумағы бойынша орналасқан барлық өткізу-бақылау бекеттері күшейтілген режимде жұмысын жалғастырып жатыр. Карантин режимін бұзған тұлғалар жауапкершілікке тартылады", деп нақтылады ол.
