Қазақстанда төтенше жағдай жарияланып, көптеген кәсіпорындар жұмысын тоқтатқанына қарамастан, жыл басынан бері өнеркәсіптік сала 6%-ға дамыды, деп хабарлады Energyprom.kz.
Салыстырмалы түрде алсақ көлік және логистика сегментіннің дамуы 1,3%-ға төмендеген.
Биылғы жылдың І тоқсанында өнеркәсіптік өндіріс индексі 2019 жылдың сәйкес кезеңімен салыстырғанда 105,8%-ды құрады. Тіпті карантин жарияланған наурыз айында сектор 2019 жылдың наурызынан 5,9%-ға жоғары көрсеткіштерге қол жеткізді.
2020 жылдың қаңтар-наурыз аралығында мұнай, табиғи газ және металл рудалары өндірісі артты. Сонымен қатар азық-түлік, темекі өнімдері, мұнай өңдеу, фармацевтикалық өнімдер, металлургия салаларының өнім шығару көлемі де өсті. Алайда химиялық тауарлар шығару көрсеткіші төмендеді.
Өңірлер бойынша өнеркәсіптік өндіріс саласының Қостанай (+19,8%), Ақмола (+11,9%), Атырау (+9,2%) облыстарында жоғары қарқынмен дамыды.
Жалпы 2020 жылдың І тоқсанында еліміздің 15 өңірінде өндіріс саласы ілгері жылжып, тек Қызылорда мен Жамбыл обылысында көрсеткіштер төмендеген.
Құралай Құдайберген
