/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 442,30 Brent 36,55
«Қарапайым заттар экономикасына» бизнес міндеттемелер енгізіледі

«Қарапайым заттар экономикасына» бизнес міндеттемелер енгізіледі

Қор нарығын дамытуға басымдық беріледі. 

14 Шілде 2020 10:01 129

«Қарапайым заттар экономикасына» бизнес міндеттемелер енгізіледі

Фото: primeminister.kz

Мемлекеттік-жекеменшік әріптестік туралы заңнама қайта қаралады. Мұны үкімет отырысында ұлттық экономика министрі Руслан Дәленов жеткізді.  

«Мемлекет басшысы қор нарығын дамытудың маңызын атап өтті. Ұлттық экономика министрлігі қаржы агенттігімен және ұлттық банкпен, басқа да мүдделі мемлекеттік органдармен және ұйымдармен бірлесіп, қор нарығын дамыту бойынша қабылданып жатқан шаралар туралы ақпаратты Президент әкімшілігіне енгізеді. Сонымен бірге Мемлекет басшысының мемлекеттің фискалдық және экономикалық мүдделерін қорғауды қамтамасыз ету жөніндегі тапсырмасы орындалады. Мемлекеттік-жекеменшік әріптестік жобаларының әлеуметтік-экономикалық тиімділігін арттыру үшін мемлекеттік-жекеменшік әріптестік туралы заңнамаға тиісті өзгерістер енгізіледі», – деді Руслан Дәленов.

Бұдан кейін министр «Қарапайым заттар экономикасы» бағдарламасын тиімді іске асыру бойынша бизнес үшін міндеттемелерді енгізе отырып, бағдарламаның нақты индикаторлары мен стратегиялық міндеттері айқындалатынын айтты. 

Қанат Махамбет
 

19,1 млрд теңгеге 331 өтінім қабылданды – Сапархан Омаров

Форвардтық сатып алуға 24,5 млрд теңге жұмсалады.

26 Мамыр 2020 11:01 146

19,1 млрд теңгеге 331 өтінім қабылданды – Сапархан Омаров

Үкімет отырысында ауыл шаруашылығы министрі Сапархан Омаров
агроөнеркәсіп кешенң субъектілерін қолдауға қанша қаржы бөлінгенін баяндады.

«Аграрлық несие корпорациясы» акционерлік қоғамына агроөнеркәсіп кешені субъектілерін қолдау жөніндегі іс-шараларды жүргізу үшін республикалық бюджеттен 70 млрд теңге бюджеттік кредит бөлінді. Қаражат республиканың 2,4 мың ауыл шаруашылығы өндірушісіне беріліп, көктемгі дала жұмыстарын жүргізуге бағытталды. Мемлекет басшысының тапсырмасы бойынша «Қарапайым заттар экономикасы» бағдарламасы аясында көктемгі егіс жұмыстарын жүргізуге 100 млрд теңге бөлінді. 26 мамырдағы жағдай бойынша 19,1 млрд теңгеге 331 өтінім қабылданды», – деді Сапархан Омаров.

Министрдің мәлімдеуінше, қазір бидай, арпа, қарақұмық және майлы дақылдарды форвардтық сатып алу жұмысы жүріп жатыр. Бұған 24,5 млрд теңге бөлінген.  Осы уақытқа дейін 21,5 млрд теңгенің өтінімі қабылданған. 

«Фермерлердің өтімді кепілінің жетіспеушілігі мәселесін шешу үшін екінші деңгейлі банктер мен әлеуметтік-кәсіпкерлік корпорацияларының кепілдігі қабылданады. Көктемгі дала жұмыстарын дер кезінде және сапалы жүргізу үшін қолда бар барлық ресурстар мен құралдар пайдаланылып жатыр», – деді ол.

Қанат Махамбет

Фермерлерге 6%-пайыздық несие 12 айға алдын-ала беріледі

Көктемгі егіс науқанына 170 млрд теңге шығындалмақ. 

18 Мамыр 2020 14:48 170

Фермерлерге 6%-пайыздық несие 12 айға алдын-ала беріледі

Ауыл шаруашылығы министрлігінің баспасөз қызметі көктемгі егіске деп жұмсалып жатқан қаражаттың жалпыламаа есебін берді.  Ресми мәліметке сенсек, «Кең дала» бағдарламасынан бөлек, Аграрлық несие корпорациясы «Қарапайым заттар экономикасы» бағдарламасы бойынша диқандарға қаражат беруде.

«Қаражат қайтарымсыз емес, бірақ жеңілдетілген шарттармен беріледі.  Фермерлерге 6%-бен  100 миллиард теңге беру қарастырылған. Қаржы 12 айға дейінгі мерзімге алдын-ала беріледі. Негізгі қарызды несие мерзімі аяқталғаннан кейін өтеуге болады», - деп жазады министрліктің баспасөз қызметі.

Аталған ақпаратта Аграрлық несие корпорациясы арқылы несие алушылардың өтініштері бұрынғыдай бір ай бойы емес, 10 күн ішінде тексерілетіні де айтылған. Өткізетін құжаттар тізімі де қысқарған көрінеді. Бүгінге дейін осы тәсілмен  6 млрд қаржы үлестірілген.

«Жақында Аграрлық несие корпорациясы «Кең дала» бағдарламасы бойынша көктемгі дала жұмыстарын қаржыландыруды аяқтады. Нәтижесінде 70 млрд теңгені 5%-бен 2 405 шағын және орта бизнес өкілдері алды. Осылайша, «Кең дала» және «Қарапайым заттар экономикасы» бағдарламасы бойынша, 2020 жылғы көктемгі дала жұмыстарына 170 млрд. теңге бөлінді», - деп жазылған реми ақпаратта.