DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 310,31 Brent 36,55
Қарасай ауданындағы тұрғын үй кешені толық карантинге жабылуы мүмкін

Қарасай ауданындағы тұрғын үй кешені толық карантинге жабылуы мүмкін

Алматы облысында 9 адам коронавирус жұқтырған.  

01 Сәуір 2020 20:58 159

Қарасай ауданындағы  тұрғын үй кешені толық карантинге жабылуы мүмкін

Алматы облысының Қарасай ауданындағы «Асыл арман» тұрғын үй кешені толық карантинге жабылуы мүмкін, деп хабарлайды облысы әкімінің баспасөз қызметі.

«Облыс әкімі Амандық Баталовтың тапсырмасымен Қарасай ауданында орналасқан «Асыл арман« тұрғын үй кешеніне облыс әкімінің орыньбсары Батыржан Байжұманов пен облыстың бас санитарлық дәрігері Қайрат Баймұхамбетов жолға шықты. Олар сол жерде кешенді толық карантинге жабу мәселесін қарастырады. Бұл жерде облыс әкімінің тапсырмасына сай, тұрғындардың қауіпсіздігін қамтамасыз ету, індеттің таралуына жол бермеу мәселесімен қатар кешен тұрғындарының қажеттілігі мәселесі талқыланады. Соңғы шешім қабылданған сәтте қосымша ақпарат беріледі», –  делінген облысы әкімінің баспасөз хатшысы Ғалымұрат Жүкелдің таратқан хабарламада.

Айта кетейік, дәл осы «Асыл арман» тұрғын үй кешенінде тұратын екі тұрғыннан коронавирус індеті анықталды. Бірі 1995жылғы аяғы ауыр келіншек болса, екіншісі 1959 жылы туған әйел. Бұған дейін дәл осы кешендегі №6 үйдің бір кіреберісі карантинге жабылғанын хабарлаған болатынбыз.

inbusiness.kz-ті қараңыз, оқыңыз :

Шамалған бекетіндегі қайғылы оқиғаға қатысты сот үкім шықты

Қарасай аудандық соты қайғылы оқиға күні станция кезекшісі болған Ахмеджановке 3 жыл 6 ай шартты жаза кесті.  

27 Сәуір 2020 22:46 179

 Шамалған бекетіндегі қайғылы оқиғаға қатысты сот үкім шықты

Шамалған бекетінде пойыз бен автобустың соқтығысуына қатысты қылмыстық іс бойынша кінәлілерге үкім шықты, деп хабарлайды Atameken Business.

Судья айыпталушының жасы, отбасылық жағдайы мен кінәсін мойындағанын ескеріпті. Дегенмен, ол жәбірленуші Жарылғасоваға 600 мың теңге көлемінде моралдық залалды өтеуге міндетті. Сондай-ақ сот үш жәбірленушіге «Қазақстан темір жолы» компаниясынан жалпы сомасы 35 млн теңге өндіріп берді. Ал, «Қаскелең автобус паркі» зардап шеккендерге 20 млн теңге көлемінде моралдық залал өтеуге міндетті болды.

Еске салсақ, өткен жылдың қыркүйегінде Шамалған бекетінде жолаушылар автобусы мен поезд соқтығысқан болатын. Салдарынан, автобус жүргізушісі оқиға орнында мерт болып, үш адам жансақтау бөліміне түскен еді.

Желшешектен көз жұмған бала ісі: Бас дәрігердің орынбасары жұмыстан қуылды

Алматы облысы Қарасай аудандық ауруханасында үш жастағы бүлдіршін желшешектен көз жұмған болатын.  

24 Қаңтар 2020 23:19 538

Желшешектен көз жұмған бала ісі: Бас дәрігердің орынбасары жұмыстан қуылды

Алматы облысында желшешектен көз жұмған 3 жастағы бүлдіршіннің өліміне қатысты жоспардан тыс тексеру қорытындысы белгілі болды, деп хабарлайды Atameken Business.

Оның нәтижесінде Қарасай аудандық аурухана басшысының орынбасары қызметінен босатылған. Бұл туралы арнамызға арнайы сұқбат берген  тауар мен  қызмет қауіпсіздігін бақылау комитетінің өкілі Лаура Ахметниязова мәлімдеді.  Сондай-ақ бірқатар жауапты дәрігерлерге сөгіс жарияланған. Себебі, тексеріс бірқатар заң бұзушылықтарды анықтаған.

Атап айтқанда, балаға дұрыс диагноз қойылмаған. Онымен қоса, қайта емханаға келіп қаралғанда бүлдіршіннің ауыр халде екені дәрігерлердің назарынан тыс қалған. Бүгінде тергеу қорытындысы полиция департаментіне жіберілді.

Естеріңізге салайын, шамамен 1 жарым ай бұрын  Алматы облысы Қарасай аудандық ауруханасында үш жастағы бүлдіршін желшешектен көз жұмған. Ата-анасы ақ халаттыларды айыптап, мәселенің мән-жайын анықтауды талап еткен еді. Нәтижесінде денсаулық сақтау министрі Елжан Біртанов шұғыл түрде тексеру жұмыстарын жүргізуді тапсырған болатын.

Жаңалықтарға жазылу: