Алғашқы жарыс күнінде әйелдер 50, 55, 61 келіде, ерлер 84 келіге дейін және 84 келіден жоғары салмақ дәрежелерінде бақ сынады, деп хабарлайды Olympic.kz.
50 келіде сынға түскен Мөлдір Жаңбырбай екінші айналымда Филиппин спортшысына жол берсе, 61 келідегі Гузалия Гафурова перулік қарсыласынан ұтылды. Сабина Захарова бірінші кездесуде Бразилия спортшысына есе жіберді. 84 келіге дейінгі салмақта сынға түскен Игорь Чехмарев топтағы соңғы кездесуде ирандық әлем чемпионы Пуршабтан ұтылды. Ол жексенбі күні хорватиялық спортшымен қола жүлдеге таласады. Осы салмақта бақ сынаған Данияр Юлдашев бірінші кездесуде чилилік спортшымен тең түсті. Алайда, төрешілер жеңісті қарсыласқа берді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
